Educación Responsable instaurou, no noso cole, un feliz día, o Festival das Emocións, un momento para compartir coas familias os nosos traballos en ReflexArte e O Coro das Emocións.

Este ano, o festival, que levou por nome Un Maio Longo de Emocións, xuntounos arredor das Letras Galegas. O completo programa foi:

        - Adivina canto te quero (Unha lectura emocionante dos nenos de primeiro)

        - Galicia (Unha aproximación emocional a Manuel María, o autor homenaxeado           nas Letras Galegas 2016)

        - Happy (estrea para as familias do vídeo elaborado en Gal-emo-cinéma-te,                 unha versión do tema musical para festexar o HappyDay)

        - O Coro das Emocións, coas seguintes pezas:

Maio Longo

Fisterra

Kuku ué

Cubanita

Mi gran noche

A variedade das pezas deleitou aos presentes, en especial ás familias, que á nosa proposta, elaboraron un corcho colaborativo no que nos deixaron escritas as emocións coas que saíron da actuación.

De novo, a carón da música, encontramos un espazo compartido para educar e emocionarnos, un lugar e un tempo no que todos respiramos os mesmos intereses e deixamos fluír os sentimentos.